ການເຝິກອົບຮົມ “ວຽກງານໄອຍະການໃຫ້ແກ່ ຜູ້ຊ່ວຍພະນັກງານໄອຍະການ”

ໃນຕອນເຊົ້າຂອງມື້ນີ້ “ ການເຝິກອົບຮົມວຽກງານໄອຍະການໃຫ້ແກ່ພະນັກງານວິຊາການ ທີ່ຈະກ້າວເປັນຜູ້ຊ່ວຍພະນັກງານໄອຍະການ” ໄດ້ຖືກເປີດຂຶ້ນຢ່າງເປັນທາງການ, ໃຫ້ກຽດເປີດພີທີໂດຍ ທ່ານ ຄຳສານ ສຸວົງ, ປະທານອົງການໄອຍະການປະຊາຊົນສູງສຸດ ແລະ ທ່ານ ລິຊາດ ຟີລິບປາກ, ປະທານສະຖາບັນຊ່ວຍເຫຼືອດ້ານກົດໝາຍ ແລະ ວິຊາການ (ILSTA). ພິທີເປີດການເຝິກອົບຮົມດັ່ງກ່າວໄດ້ຖືຈັດຂຶ້ນທິ່ ສະຖາບັນຄົ້ນຄວ້າ ແລະ ເຝິກອົບຮົບໄອຍະການ ແລະ ໄດ້ເຕົ້າໂຮມເອົາບັນດາພະນັກງານວິຊາການຫຼາຍກ່າວ 70 ທ່ານ, ທີ່ກຳລັງກຽມພ້ອມໃນການກາຍເປັນຜູ້ຊ່ວຍໄອຍະການໃນໄວໆນີ້. ການເຝິກອົບຮົມຈະດຳເນີນໄປເປັນເວລາ 3 ອາທິດ, ນັບແຕ່ວັນທີ 18 ມັງກອນ ຈົນເຖິງ ວັນທີ 5 ກຸມພາ 2021.