Archive | ຂ່າວສານ

ທ່ານ ດຣ. ສົມເດດ ແກ້ວວົງສັກ ເຊີ່ງເປັນອາຈານສອນພາກວິຊາກົດໝາຍມ ທີ່ຄະນະ ນິຕິສາດ ແລະ ລັດຖະສາດມ ຂອງ ມະຫາວິທະຍາໄລແຫ່ງຊາດລາວ. ທ່ານ ດຣ. ສົມເດດ ໄດ້ຮັບປະລີນຍາເອກ ທາງດ້ານ ສິດທິຊັບສິນທາງປັນຍາ.  ໃນວັນທີ 8 ເດືອນ ທັນວາ ທ່ານ ດຣ. ສົມເດດ ໄດ້ໃຫ້ການບັນຍາຍ ກ່ຽວກັບ ການບັງຄັບໃຊ້ ສິດຕໍ່ຊັບສິນທາງປັນຍາ ໃນ ສປປ ລາວ. ເຊີ່ງໃນຄັ້ງນີ້ໄດ້ມີຜູ້ເຂົ້າຮ່ວມຮັບຟັງ ຈຳນວນ 150 ທ່ານ. ນອກນີ້ການບັນຍາຍຂອງ ທ່ານ ດຣ. ສົມເດດ ໄດ້ລວມເອົາສິດທິ ທີ່ແຕກຕ່າງກັນ, ພັນທະທາງດ້ານກົດໝາຍ ແລະ ກົນໄກໃນການປະຕິບັດ ທີ່ເໝາະສົມກັບສະຖານທີ່ຕ່າງອີກດ້ວຍ.    

ຜ່ານການສືກສາໄດ້ສະແດງໃຫ້ເຫັນວ່າ: ການຄ້າມະນຸດ ສ່ວນຫລາຍແມ່ນການເຄື່ອນຍ້າຍທີ່ຜິດກົດໝາຍ ແລະ ການລັກລອບເຄື່ອນຍ້າຍແຮງງານ. 9,2 ລ້ານຄົນ ແມ່ນຖືກບັງຄັບແຮງງານ ໃນພາກພື້ນ ອາຊີປາຊີຟິກ. ໃນວັນທີ 27 ເດືອນພະຈິກ, ທ່ານ ຣິດຊາດ ຟິລິບພາດ (ILSTA) ໄດ້ຂື້ນບັນຍາຍກ່ຽວກັບ ການລັກລອບເຄື່ອນຍ້າຍແຮງງານ ແລະ ອົງປະກອບທີ່ເຊື່ອມຕໍ່ໄປເຖີງ ການຄ້າມະນຸດ.  ໂດຍສະເພາະກໍລະນີສືກສາ ທີ່ມີຄວາມໜ້າສົນໃຈ, ອົງການສະຫະປະຊາຊາດ ໄດ້ຈັດຕັ້ງສົນທິສັນຍາວ່າດ້ວຍອາສະຍາກຳ ແລະ ຂໍ້ຜູກມັດຂອງອານຸສັນຍາ; ອານຸສັນຍາວ່າດ້ວຍການລັກລອບເຄື່ອນຍ້າຍແຮງງານ ແລະ ອານຸສັນຍາວ່າດ້ວຍ ການຄ້າບຸກຄົນ. ໃນລະຫວ່າງການບັນຍາຍແມ່ນໄດ້ມີການວິເຄາະ ທີ່ເຮັດໃຫ້ເຫັນວ່າກົດໝາຍລາວກໍສາມາດກ້າວເຂົ້າສູ່ກົດໝາຍອາຊຽນເຊັນດຽວກັບປະເທດອື່ນໆໄດ້. ມີຜູ້ເຂົ້າຮ່ວມຮັບຟັງການບັນຍາຍໃນຄັ້ງນີ້ 138 ຄົນ.

ການເປີດບົດບັນຍາຍ ກ່ຽວກັບ ບັນຫາການຄຸ້ມຄອງສິດຜູ້ຖືກຫາໃນຂະບວນການຍຸຕິທຳທາງອາຍາ ສປປ ລາວ ໂດຍ ທ່ານ ດຣ. ພອນແສງ ຄູນທະວີດວງໃຈ, ຜູ້ທີ່ເປັນອາຈານສອນ ຢູ່ທີ່ພາກກົດໝາຍອາຍາ ຄະນະນິຕິສາດ ແລະ ລັດຖະສາດ ມະຫາວິທະຍາໄລແຫ່ງຊາດ ລາວ. ທ່ານ ດຣ. ພອນແສງ ໄດ້ເຮັດບົດວິທະຍານິພົນປຣີນຍາເອກ ກ່ຽວກັບ ສິດບໍ່ໃຫ້ການເປັນປໍລະປັກແກ່ຕົນເອງຂອງຜູ້ຖືກຫາ, ສົມທຽບການຮຽນລະຫວ່າງ ກົດໝາຍລາວ ແລະ ໄທ, ຢູ່ທີ່ ມະຫາວິທະຍາໄລທຳມະສາດ ປະເທດໄທ ຈົບໃນປີ 2015.  

ການເປີດບັນຍາຍກ່ຽວກັບ ຄວາມຮັບຜິດຊອບທາງດ້ານກົດໝາຍອາຍາຂອງນິຕິບຸກຄົນ ຢູ່ໃນ ສປປ ລາວ ໂດຍ ທ່ານ ບຸນລ້ຽງ ວົງສຳພັນ ໃນວັນທີ 6 ເດືອນ ພະຈິກ ປີ 2015.  ທ່ານ ບຸນລ້ຽງ ແມ່ນເປັນອາຈານສອນພາກວິຊາກົດໝາຍອາຍາ ຂອງ ຄະນະນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ ລາວ ແລະ ໄດ້ຂຽນກ່ຽວກັບຫົວຂໍ້ນີ້ ໃນເວລາເຮັດບົດປ້ອງກັນ ປຮິນຍາໂທ ຢູ່ທີ່ມະຫາວິທະຍາໄລທຳມະສາດ, ປະເທດໄທ. ມີຜູ້ເຂົ້າຮ່ວມຮັບຟັງການບັນຍາຍເປັນຈຳນວນ 150 ທ່ານ.

ຄະນະຜູ້ແທນຂອງສະວິເດັນຈຳນວນ 15 ທ່ານ, ຜູ້ທີ່ມີສ່ວນຮ່ວມໃນການຮ່ວມມືພັດທະນາລະຫວ່າງ ສະວິເດັນ ກັບ ປະເທດລາວ ໃນໄລຍະ 40 ປີທີ່ຜ່ານມາ, ໄດ້ມາຢ້ຽມຢາມຫ້ອງການ ILSTA ໃນປະເທດລາວ ແລະ ທີ່ໄດ້ຮັບການປັບປຸງຂະແໜງການທາງດ້ານກົດໝາຍໂດຍ ຮອງປະທານ ຂອງ ILSTA. ໃນຄະນະຜູ້ແທນທີ່ເຂົ້າມາຢ້ຽມຢາມຄັ້ງນີ້ໄດ້ລວມມີອະດິດຫົວໜ້າສະຖານທູດສະວິເດັນ ປະຈຳ ສປປ ລາວ 4 ທ່ານ ແລະ ນອນຢູ່ໃນພາກສ່ວນໜື່ງໃນການຢ້ຽມຢາມປະເທດລາວ ເປັນເວລາ ສອງອາທິດ.

ໃນເດືອນ ຕຸລາ – ເດືອນ ພະຈິກ ປີ 2015 ILSTA, ໃນການຮ່ວມມືກັບ ຄະນະຜູ້ແທນເອີລົບ ໃນ ສປປ ລາວ, ເພື່ອສຸມໃສ່ວິຊາພາສາອັງກິດສຳລັບກົດໝາຍສາກົນ ໂດຍມີຜູ້ຊຽວຊານທາງດ້ານກົດໝາຍຈຳນວນ 25 ທ່ານ ທີ່ມາຈາກ ກະຊວງການຕ່າງປະເທດ, ກະຊວງຍຸຕິທຳ, ກະຊວງປ້ອງກັນຄວາມສະຫງົບ, ແລະ ຄະນະສະພາແຫ່ງຊາດ.

ກອງປະຊຸມ ກ່ຽວກັບແບບການສິດສອນ ທີ່ຈັດຂື້ນໂດຍ ສະຖາບັນ ILSTA ເປັນເວລາ 2 ມື້ ແມ່ນວັນທີ 22 – 23 ໃນເດືອນ ຕຸລາ ປີ 2015, ເພື່ອຄູຝືກຂອງ ສະຖາບັນຍຸຕິທຳແຫ່ງຊາດ (NIJ). ເຊີ່ງມີຄູອາຈານເຂົ້າຮ່ວມລວມທັງໝົດ 25 ທ່ານ, ໃນນີ້ມີ ຄູອາຈານປະຈຳ ແລະ ແຂກຮັບເຊີນຂອງສະຖາບັນຍຸຕິທຳແຫ່ງຊາດ ແລະ ໄດ້ແນໃສ່ການສິດສອນແບບຜູ້ຮຽນເປັນໃຈກາງ. ສະຖາບັນຍຸຕິທຳແຫ່ງຊາດ ແມ່ນສະຖາບັນທີ່ຮັບຜິດຊອບໃນການຝືກອົບຮົມຜູ້ພິພາກສາໃນອານາຄົດ, ໄອຍະການສານ ແລະ ສະມາຊິກສະພາທະນາຍ.

ການເປີດການບັນຍາຍ ກ່ຽວກັບກົດລະບຽບຂອງກົດໝາຍ (RoL) ບັນຍາຍໂດຍ ທ່ານ ອີຣີກ ແຮກວິດສ໌ ຫົວໜ້າບໍລິຫານ ສະຖາບັນ ILSTA,  ໃນວັນທີ 20 ເດືອນ ຕຸລາ 2015. ບົດບັນຍາຍໄດ້ສະເໜີ ພາບລວມ ວ່າດ້ວຍ ແນວຄວາມຄິດໃນກົດລະບຽບຂອງກົດໝາຍ. ສປປ ລາວ ວ່າມີຄວາມມຸ່ງໝັ້ນໃນການສ້າງ ກົດລະບຽບຂອງກົດໝາຍ (RoL) ໃຫ້ບັນລຸຜົນພາຍໃນປີ 2020 – ໄດ້ມີການປືກສາຫາລືເພື່ອໃຫ້ໄດ້ຮັບໝາກຜົນທີ່ຈະແຈ້ງເພື່ອໃຫ້ບັນລຸຈຸດປະສົງນີ້. ຕໍ່ຄຳສັນຍາທີ່ ສປປ ລາວ ໄດ້ເຮັດ ໂດຍຜ່ານສົນທິສັນຍາສາກົນ, ກົດບັດອາຊຽນ ແລະ ລັດຖະທຳມະນູນລາວ ແມ່ນຫຍັງ? ການບັນຍາຍດັ່ງກ່າວຍັງໄດ້ຍົກເອົາປະຫວັດສາດຂອງ ກົດລະບຽບຂອງກົດໝາຍ RoL ແລະ ຄວາມແຕກຕ່າງກັນຂອງ ກົດລະບຽບຂອງກົດໝາຍ RoL ປະກອບເຂົ້າພ້ອມ.  

ໃນວັນທີ 2 ເດືອນ ກໍລະກົດ ປີ 2015 ໄດ້ມີການເປີດບັນຍາຍ ກົດໝາຍອາຍາວ່າດ້ວຍການຄ້າມະນຸດ ທີ່ໄດ້ຈັດຢູ່ທີ່ ຄະນະນິຕິສາດ ແລະ ລັດຖະສາດ ທີ່ນະຄອນຫລວງວຽງຈັນ. ໃນກອງປະຊຸມນີ້, ບໍ່ວ່າ ຜູ້ຊຽວຊານ ຫຼື ນັກສືກສາ ໄດ້ມີຄວາມເຂົ້າໃຈຢ່າງຈະແຈ້ງ ໂດຍຜ່ານ ກໍລະນີສືກສາ ສະເພາະໃນການຄ້າມະນຸດ ແລະ ຄວາມແຕກຕ່າງຈາກການກະທຳຜິດທາງດ້ານອາຍາອື່ນໆ, ໂດຍສະເພາະການລັກລອບເຄື່ອນຍ້າຍແຮງງານທີ່ຜິດກົດໝາຍ. ບົດບັນຍາຍທີ່ປະກອບມີການວິເຄາະແບບສົມທຽບກົດໝາຍພາຍໃນ ແລະ ສາກົນ. ການຄ້າມະນຸດແມ່ນມີການແຜ່ຂະຫຍາຍຢ່າງຫລວງຫລາຍ ແລະ ຮ້າຍແຮງ ຢູ່ໃນພາກພື້ນແມ່ນຳ້ຂອງ.